الآن إعترافي بعد طول تحضير

بصراحة هم موضوعين Exclamation

طبعا مش طمع ولا حاجة
ممكن حد يقول : يعني هو عشان رئيس بقى يكتب إتنين scratch

ممكن حد يقول إحنا مش فاضيين للكلام الكتير ده

المهم أنا عادي خالص كإني مش سامع حاجة Razz

الموضوع الأول bounce

أن أن آآآآآآن What a Face

عنوانه بداية الطريق

كنت زمان لسة جايب نت في البيت و فرحان بيه قوي
و بدأت أشوف مواقع و بدأت أبحث عن برامج و لاقيت إن البرامج دي بتكون كاملة في حاجة إسمها منتديات
حلوة حاجة إسمها منتديات دي
أصلي كنت لسة جديد... صفر منتديات زي ما بيقولوا
المهم إشتركت في منتدى كنت بحبه في الأول و بعد كدة كرهته pale

و كان البداية و بدأت أتعلم فيه إزاي أعمل موضوع و إزاي أشارك و كل حاجة عن طريق مساعدة أحد المشرفين study

و مع الوقت بقيت و الحمد لله عضو مهم بسبب كتر المواضيع إللي شاركت بيها و بقيت معروف لصاحب المنتدى حتى
مع الوقت جات رسالة ليا من صاحب المنتدى " مش أي حد" و طلب مني و من أعضاء كتير نشارك في مشكلة
المشكلة دي كان فيها أيمن " مدير عام منتدانا الحالي" كنت لسة ما أعرفهوش خالص silent

وكان هو مثل الجاني و إحنا القضاه"يا عيني عليه" و لاقيت إنه بصراحة مش غلطان ولا حاجة فدافعت عنه جدا و كنت الوحيد إللي بيدافع عنه
لإن دفاعي عنه في الموضوع ده يخليني أكون ضد إدارة المنتدى فناس كتير كانت بتجامل المنتدى و إدارته لكن بصراحة لاقيت إني لازم أقول كلمة حق
أيمن فضل فاكرهالي و أنا كنت فاكر إني خلاص ها أتحذف من المنتدى
المهم الموضوع عدى على خير و ما إتحذفتش ولا حاجة" سبحان الله"
بعد فترة كدة كنت مشارك في المنتدى بأحد المواضيع و لاقيت إن واحد من المشرفين سنه 16 سنة geek

و فرحان بنفسه كدة حذفلي موضوع ليا
و كنت مخنوق قوي منه روحت كتبت مواضيع كتير في المنتدى عن إللي حصل ده و إنه إزاي يحذفلي موضوع" لإن طبعا الواحد بيتعب في إنه يرفع موضوع على موقع مشاركة و بعد كدة أضيفه"
و بالساهل كدة يجي واحد "لا مؤاخذه clown

" يحذفه بكل بساطة
عملت ضجة كبيرة عشان الحكاية دي و طبعا باقي المشرفين كانوا بيتحيزوا ليه عشان هو مشرف زيهم و لكن أيمن وقف معايا و رد ردود في صالحي و ضد المنتدى
بعدها بفترة إتحذف من المنتدى Laughing

و بدأنا نتكلم على الشات مع بعض و بدأنا نتعرف على بعض
و بدأت الفكرة التي غيرت تاريخ البشرية...... confused

.......
كان عندي فكرة إنشاء منتدى و كنت عارف أعملها إزاي بس ما بدأتش فيها
و قلت لأيمن عليها و شجعني قوي و إتفقنا نكون شركاء فيه
و يكون لينا منتدى خاص بينا " و ننافس المنتدى التاني ده"
و بدأنا بعمله بالفعل و إختيار الإسم و التصميم
و كان المنتدى صحراء جرداء لاعضو فيها و لا مواضيع و لا ماء Sleep

بدأنا خطوة بخطوة لكن كانت فايدة لينا إننا نكون مع بعض
في وقت من الأوقات كان النت مفصول من عندي و كان هو بيكمل في المنتدى
وكمان في وقت تاني كان عندي نت و هو مش عنده و بدأت أكمل في المنتدى بنفسي
و رجعله النت تاني و بقيا مع بعض طبعا لو ماكناش مع بعض ما كان المنتدى كمل
لو كنت لوحدي كان من الأول كنت وقفت لما النت عندي فصل و رجع تاني و كمان كانت ها تصيبني حالة يأس من عدم وجود أعضاء
لإن الصعوبة إني إزاي أعرف المنتدى على الناس
و الآن طبعا بقى في أعضاء و مشرفين و إتفقت أنا و أيمن إننا ها نكون أسرة واحدة في المنتدى مشرفين و أعضاء عشان ما نعملش مع حد زي ما حصل معانا في المنتدى التاني
نتعلم من أخطاء غيرنا يعني

موضوع طويل.................صح؟
Sleep

الموضوع التاني بقى
ما تناموش مني خليكم مصحصحين drunken

موضوع طريف قوي على فكرة
عنوانه مجدي و البيجو
مجدي ده أنا طبعا king

و البيجو هي العربية البيجو إللي بتمشي في الرينو" يعني الطريق بالفرنساوي"
المهم
دايما السيارات البيجو في بينها و بيني عداوة غريبة
بتحب تصطدم بيا
كنت بقول كدة لكل أصدقائي و كانوا مش مصدقين Very Happy

و أكيد إنتم كمان بتقولوا إشمعنى البيجو يعني scratch

إلى إن جاء اليوم إللي خلاهم صدقول الموضوع ده
إننا كنا بنتمشى في الشارع
و كنت بعدي الشارع عشان أدخل محل أيس كريم " بصراحة ما كانش حلو "
المهم
كانت في عربيات راكنة بجوار الرصيف " طبعا واقفين مش ها يمشوا"
و كانت منهم عربية بيجو و فيها سائق و أمامه بمسافة نصف متر سيارة أخرى
يبقى أكيد العربية مش ها تدوسني
فمريت و أنا مطمإن
و فجأة السائق ضغط على البنزين من غير ما يقصد و كان ها يصطدم بيا و لحق نفسه و فرمل بسرعة
الراجل كان بيعتزرلي و أنا و أصدقائي كنا بنضحك قوي
و قالوا فعلا إنت عندك حق البيجو بتكرهك مووووت

أتمنى أكون ما طولتش عليكم
و طبعا أنا إتكلمت شوية صغيرين قوي عشان ما تزهقوش

سلام lol!

أخوكم مجدي king

منتظر ردودكم عشان أعرف الموضوع عجبكم أم لا

و منتظر التعليق على الأسلوب كمان
Cool

الموضوع الاول بياكد اد ايه الترابط بينكم وبينا كلنا ويارب يديم محبتنا كلنا اما الموضوع التانى الغلط مش عندك الغلط عند الشركه الفرنسيه اللى بتصنع السيارات البيجو اللى بتمشى فى الرينو علشان تصدمك كان لازم يعملو سياره ضد صدماتك هههههه

ما تقلقش يا حلمي إحنا دلوقتي بقى بينا معاهدة سلام
و كل شيء تمام و الحمد لله
cheers

حبيبى مجدى ربنا يدوم المودة والخير احنا اللى بينا اكبر من منتدى اللى بينا صداقه والصداقه شيئ جميل جدا ربنا يقدرنا على فعل الخير واللى حصل ده خلانا اصدقاء يارب نفضل ديما اصدقاء وفيه خير ومودة ما بينا

وبالنسبة للبيجو انتى اللى غلاطان اكيد انت اللى بتستفزها وانا اوعدك او اتوقعلك ان اول عربية ها تشتريها ها تكون --------------------------------------- مش بيجو

ههههههههههههههه ردك جميل يا ايمن وانا عارف اد ايه الصداقه اللى بينك انت ومجدى يعنى انا مش قلقان يا مجدى

والله ذى السكر انت اعتقد ان كلمت الحق اهم من اى شئ
اما البيجو فممكن تكون مش مرتحالك نفسيا
بس لما تشفها ادعى ربنا انها تحبك

مشكورين كلكم على ردودكم الجميلة إللي فوق الوصف
و ربنا يديم المودة يا أيمووووون
و أنا مش ها أنسالك الجميل ده بإنك مش ها تشتري البيجو Twisted Evil

و مشكورة يا حياة القلوب على ردك
و أطلب من جميع الأعضاء يدعوا معايا إن ربنا يصلح بيني و بين العربية دي لإني بقيت قلقان منها قوي
lol!

حقا
وعسى أن تكرهوا شيئا وهو خير لكم

الحمد لله إن المشكلة حصلت علشان يبقى فيه منتدى أونلي وان

ربنا يديم بيننا جميعا الحب في الله ويجمعنا في جنة الفردوس
اللهم آمين

وإن شاء الله ربنا يصلح بينك وبين البيجو وبين كل وسائل المواصلات

موضوعين أجمل من بعض

ننتظر المزيد

دمت في حفظ الله