كرسي الاعتراف

موضوع: كرسي الاعتراف الإثنين يوليو 07, 2008 3:22 am

كرســي الاعتراف

أكيدطبعا كلنا عارفين الموضوع

الموضوع كالتالي

كل واحد يدخل الموضوع

يصوت لأي عضو بالمنتدى

علشان يقعد على كرسي الاعتراف

واذا حصّل العضو الواحد 3 تصويتات
يجلس على كرسي الاعتراف: :

بعدين يجي اي عضو ويسأله اسألة..

اي سؤال وهو يجاوب عليها

والحد الاقصى لكل عضو بالاسأله 40 سؤال<<

(وأنا عن نفسي بأرشح الأخ " أيمن " مدير عام المنتدى )

مستنية باقي التصويت

موضوع شيق فعلا ولكننى اخشى ان اكون جالس على كرسى الاعتراف

جزاكى الله خيرا اخت طوق الياسمين على
هذا المجهود الرائع ربنا يجعلوا فى ميزان حسناتك
وانا ايضا ارشح الاخ ايمن

انا كمان برشح ايمن وبكده اكتمل التصويت ولازم تجهز نفسك للجلوس يا ايمن يا غريب وقع عليك الاختيار

أولاً

بأشكر الأخ " البرق الخاطف " والأخ " حلمي " لتصويتهم وتفاعلهم مع الموضوع

جزاكم الله خيراً

Like a Star @ heaven

ثانياً
بما إن الأستاذ " أيمن " بقى مافيش قدامه غير إنه يقعد على كرسي الاعتراف

أنا هابتدي الأسئلة

السؤال الأول

البطاقة الشخصية لحضرتك؟

السؤال الثاني

ماهي اهتماماتك التانية غير شغلك؟

السؤال الثالث

لو ليك في القراءة فأي أنواع الكتب الي تفضل أن تقرأها؟

السؤال الرابع ودة سؤال ذكي شوية

حضرتك عرفت منتدى أونلي وان منين؟

Like a Star @ heaven

كفاية كدة دلوقتي وليّ رجعة بعد ما باقي الأعضاء يسألوا إن شاء الله

البطاقة الشخصية
---------
ألاسم : ايمن محمد غريب
السن : 24 سنة و5 شهور و5 ايام
المهنة : باحث مالى وادارى
الديانة : مسلم
الحالة الاجتماعية : متزوج واعول

اهتماماتى الاخرة
-------------
عائلتى
جهاز الكمبيوتر بتاعى لإنه هو اللى بيوصلنى لكل المعلومات اللى بحتاجها
القراءة
اتمرن دائما على الكتابة على الكيبورد دون النظر الى الحروف

ليا فى القراءة
---------------
اعشق قراءة التاريخ
احب دائما القراءة حتى لا اكون زى ما بيقولو فى المثل
احنا ما بنقراش ولو قرينا ما بنفهمش
عفوا على الكتابة بالعامية

عرفت منتدى اونلى وان منين
----------------
هو اللى عرفنى مش انا اللى عرفته

حبيت اسأل الاستاذ ايمن عن اكثر الاشياء يحبها و يحلم يحققهاو اكثر اهتمامته
ما هي مشاريعه الجديدة في العمل في المنتدى و اضافاته
كيف يمكن لك التوفيق بين العمل و البيت
كيف تقضي اوقات فراغك و في الوحدة
ماهي هوياتك
ما هي اكثر المواقع الي تحبها وتشغل اهتمامك
شكرا

أكثر الاشياء التى احبها
-------------
التفوق فى عملى
القراءة
الشيئ الذى اريد ان احققه
-------------
هو شراء عربية جميلة

اكثر اهتماماتى
----------
عملى واجاهد ان افصل بين العمل والمنزل هنا جميل وهنا جميل
يعنى لو فيه مشكلة فى العمل متأثرش على البيت والعكس
طبعا منتدى اونلى وان من اهم اهتماماتى

مشاريعى الجديدة فى العمل
-----------------
منتظر اخبار سعيدة ان شاء المولى تعالى

فى المنتدى
----------
اشهاره واتمنى ان يكون من افضل واشهر المنتديات

امكانية التوفيق بين العمل والمنزل
-------------------
زى ما قلت فوق
الفصل بين العمل والمنزل يعنى عدم اختلاط الضغوط
الشغل حاجة والبيت حاجة

كيف اقضى اوقات فراغى
---------------
اوقات فراغى تدريب على الطباعة يعنى الكتابة دون النظر الى لوحة المفاتيح
والاهتمام بمنتدى اونلى وان

فى الوحدة
-------
سماع الموسيقى الهادئة
محاولة الاتصال باصحابى

هواياتى
-----
القراءة
كرة القدم
السباحة
الشطرنج اعشقه

اكثر المواقع التى احبها وتشغل اهتمامى
------------------------
منتدى اونلى وان

اتمنى ان اكون فهمت الاسئلة وقدرت اوصل الاجابات

ايمون حبيبى عايزك تحكى مواقف حصلت معاك سواء دلوقتى او من فتره وكل ماتفتكرها تضحك وده طبعا بعيدا عن موقف انتو بس

الموقف الاول
--------
معلش يا حلمى
كنا مع بعض فى المدرسة اصدقاء مبنسبش بعض ابدا ابدا ابدا بالتلاتة اى حاجه حلوه مع بعض واى حاجه وحشه مع بعض
حلمى -اسامه - محمود - محمد
اربعة وانا الخامس
الحمد لله لحد دلوقتى احنا كده
فى يوم من الايام قاعد بذاكر انا ومحمد كنا فى اولى ثانوى وكنا بنسمع اغنية بتاعة حميد الشاعرى
يسلام يا جميل لو كنت تميل
عندنا استاذ فى المدرسة مطلع اسلافنا اسمه( جميل ) خطرت على بالى الفكرة العبقرية
وبدون اى مبررات وبدون تفكير قلت لمحمد بقولك ايه يا محمد ايه رايك نغنى الاغنية دى لإستاذ جميل بكره فى المدرسة
قالى موافق تمام لحد كده محمود ومحمد وانا زفينا الاستاذ زى العروسة لحد باب المدرسة بالطبلة (صفيحة كنا بنطبل عليها ) عمال يقلنا بس
على فكرة حلمى مكنش بيقول معانا المهم الاستاذ قالنا يا ولاد ----- انا ها اوريكو جرينا خرجنا بره المدرسة
ما بين توعد الاستاذ انه ها يبلغ الشرطة وها يفصلنا خوف طفولى بريئ المهم قلنا لحلمى روح بص شوف ايه اللى بيحصل فى الدنيا
قال لالالالالا المشكلة دى انتو اللى فيها مش انا نقوله كلنا على لسان واحد مش احنا مع بعض فى الخير والشر
الاستاذ حلمى يقول لالالالالا انتو بس بعد محايلة كبيرة امتدت الى نصف ساعة وافق دخول المدرسة عشان يعرف ايه الاخبار
المعلم حلمى دخل المدرسة يشوف الدنيا ماشية ازاى وجميل شافه هو ابن ---- ده معاهم حلمى يقول انا معاهم يقوله اه
المهم مينفعش اقول ايه اللى حصل
حلمى اخد فصل من المدرسة اسبوع
واحنا اللى غنينا كل واحد استدعاء ولى امر بس

دى اخرة اللى يتخللى عن اصحابه ويقولهم انتو بس

الموقف التانى
---------
سامحنى يا حلمى

ده بقى ايام مذاكرة الكلية انا واسامه وحلمى كنا بنذاكر كل يوم مع بعض خطر على بالى الان موقف اضحكنى لعله يضحككم
كنا بنصلى كل الاوقات فى وقتها الحمد لله
قاعدين بنذاكر حلمى قالنا انا داخل انام شويه وصحونى اول ما الفجر ياذن قلناله موافقين ناقص دلوقتى على الفجر ساعة المهم حلمى دخل نام وبعد عشر دقايق من نوم حلمى قلت لاسامه ايه رايك نشغل الراديو ونصحى حلمى يصلى الفجر قبل معاده بساعة الا ربع قالى ماشى اسامه دخل بل دراعه ووشه وانا شغلت الراديو على الاذاعة وحضرت كاميرة الفيديو وقلت لحلمى قوم يا حلمى عشان تصلى الفجر قالى هو اذن قلتله اه اسامه بيصلى السنة
حلمى قام وهو نايم صلى وهو نايم الفجر وكل ده كا بيتصور وانا مش قادر امسك نفسى من الضحك
فعلا كان بيصلى وهو نايم
ربنا يسامحنا

الموقف التالت والاخير عشان محدش يزهق
-------------
محمود المشرف العام يعنى بيخاف من الافلام الرعب شويه اتفقت انا واسامه اننا ها نجيب محمود عندى يتفرج على فيلم رعب ونعمل فيه موقف
الموقف ان اسامه ها يكلم محمود وياكد له ان اسامه فى بيته
تانى حاجه اسامه ها يكون معايا فى شقتى وها يلبس عبايا سوده وها يغطى وشه وها يظهر لمحمود فجاءة
محمود وصل طفيت كل انوار الشقة وبنتفرج على الفيلم
اسامه ظبط لبسه وشكله فعلا يخوف باللبس ده عمال يعدى رايح جاى من قدام باب الحجره ومحمود مش شايفه
اكتر من عشر دقايق بدأت اضحك خلاص مش قادر امسك نفسى محمود مركز مع الفيلم مبيبصش ناحية الباب خالص
قلتله محمود قوم هات حاجه من الاوضه اللى جنينا راح جابها وجه مشفوش برضه
زهقت قلتله محمود ايه ده بص شاف اسامه
قال ياماااااااااااااااااااا
واستخبى فيا وانا ميت من الضحك
وفى الاخر قال اصلى ما خفتش

دايما على الخيروالحب متجمعين يا رب
وربنا يحميكم ويديم محبتكم

حياه القلوب كتب:

وإياكي أختي الفاضلة " حياة القلوب"

شرفتينا وأسعدتينا بمرورك وتعليقك العطِـر

جزاكي الله عنا خير الجزاء

وبالنسبة لسؤالي الموجه للأخ " أيمن " هو

كل منا له هدف أو أكثر في حياته يسعى إليه ويطلب من الله رب العالمين أن يوفقه إليه

فما هدفك في الحياة ؟

هدفى فى الحياة
---------
هو الدعاء الذى ادعوه كل صلاة اللهم اجعلنى من العليين فى الارض وفى السماء وفى عملى

اعلم ان الوصول الى كل هذه الاشياء ليس بالسهل

يارب تحقق كل اللى بتتمناه يا يا ايمون وطبعا انت عارف ان انا متخصص فى اسئله المواقف ودلوقتى عايزك تقول عن موقف حصل معاك مش هتنساه ابداااااااا وكمان موقف مش سعيد حصل ليك وبتتمنى انه ميحصلش تانى

الموقف الرابع
لن انساه
----------
عشان خاطر نائب المدير

ذات يوم كان ناقص على عيد الفطر حوالى اربع ايام وانا كان فى نيتى انى اعمل خير وادى شخص ما مبلغ معين سبحان الله قبل ما اطلع المبلغ واديهوله طلب منى المبلغ اللى كنت ها اديهولو سلف جسمى قشعر قلتله لا خدهم انا كنت ها اديهملك قاللى يا استاذ ايمن قلتله خلاص .

عايز اوصل معلومة انك لما تحب تعمل خير شخص اخر بيبقى منتظر الخير ده ربنا بيوفق الحمد لله وكل ما افتكر اقول سبحان الله

الموقف الخامس
مش سعيد
--------

هناك مواقف كثيرة مش سعيدة فى حياتنا لكن مبنحبش نفتكرها عشان الحزن ميرجعش تانى الحمد لله على كل شيئ

الحمد لله على كل شيئ زى ما انت بتقول يا ايمون وده اخر موقف هسطله منك بس ده متعلق بسياده النقيب يوسف ايمن غريب عايزك تحكى موقف حصل من يوسف وكان مضحك جدا وياريت لو ترفق صوره لسياده النقيب يوسف ايمن غريب كلما امكن لكى يكون من علامات افتخارللمنتدى

ياسلام الدنيا فيها العبر ودور تلاقي